Aktivistë të Aleancës për Ardhmërinë e Kosovës mbrëmë kanë ndërmarrë një aktivitet simbolik, me të cilën e kanë kundërshtuar inaugurimin e sotëm të Hashim Thaçit president.
Sipas një njoftimi për media të AAK-së, aktivistët e saj kanë vendosur mbrëmë disa postera, në vende publike në të gjitha qytetet e Kosovës, me këto përmbajtje:
“Hashim Thaçi, arkitekt i kapjes së shtetit, tash President;
Hashim Thaçi, imazhi i krimit dhe korrupsionit, President- A durohet kjo;
Hashim Thaçi, i luajti gurët e kufinit, presidentët ndërrohen e kufini jo”.
Aleanca e Haradinajt e ka kundërshtuar votimin e Thaçit President, duke e konsideruar atë faktor përçarës dhe larg personit që do të mund të identifikohej me një president të unitetit. /tesheshi.com/
