Më 5 janar, parlamenti irakian miratoi një rezolutë që kërkonte ndërprerjen e pranisë së huaj ushtarake në vend.
Aktualisht, ka lajme të diskutueshme për tërheqjen e trupave amerikane nga 15 baza ushtarake në Irak.
Ndërsa raportet e mediave vërtetojnë një informacion të tillë, Ministria e Mbrojtjes së Irakut ka mohuar saktësinë e tyre, si dhe qëllimin e Gjermanisë, Francës dhe Australisë të tërhiqen sipas orarit të dhënë.
Mediat irakiane dhe arabe iu referuan fjalëve të Ali al-Ghanmi, një anëtar i parlamentit irakian, i cili tha se forcat amerikane kishin filluar të tërhiqeshin me të vërtetë nga 15 baza ushtarake, duke vërejtur se prania e tyre ishte zvogëluar në dy baza: e para ishte në Erbil dhe i dyti në Ain al-Asad në Anbar, në perëndim të vendit.
Ai gjithashtu raportoi se Komiteti Parlamentar i Sigurisë dhe Mbrojtjes kishte njoftuar se Franca, Gjermania dhe Australia kishin paraqitur një kërkesë në Komandën e Operacioneve të Përbashkëta për të caktuar një afat për tërheqjen e trupave të tyre nga Iraku.
Sidoqoftë, gjeneral Tahsin al-Khafaji, një zëdhënës i Ministrisë së Mbrojtjes së Irakut, mohoi raporte të tilla, duke thënë se “forcat amerikane nuk janë tërhequr nga asnjë bazë”.
Ai shtoi se “tërheqja e SHBA do të bëhet në koordinim me qeverinë e Irakut”, duke vërejtur në të njëjtën kohë se “SHBA ka zvogëluar numrin e trupave të saj në disa baza ushtarake”.
Ai gjithashtu theksoi se “Gjermania, Franca dhe Australia nuk kanë zbuluar planet e tyre për të tërhequr trupat, as nuk kanë dhënë kërkuar ndonnjë afat specifik për tërheqjen nga qeveria e Irakut.”
Më 5 janar, parlamenti iraken miratoi një rezolutë që kërkonte ndërprerjen e pranisë së huaj ushtarake në vend, dhe qeveria e Irakut i bëri një kërkesë Amerikës për këtë çështje, të cilën kjo e fundit nuk pranoi ta zbatojë.
Zhvillime të tilla pasuan ekzekutimin e gjeneral Qassem Soleimanit në një sulm ajror pranë aeroportit të Bagdadit në 3 janar. /tesheshi.com/
