Një status i fundit nga kryedemokrati Basha jep të kuptuar se pas atyre vatrave të mbetura me protesta studentore, mund të qëndrojë vërtet politika, më saktë opozita, e kamufluar pas “8 kërkesave” të famshme plus një shtesë së fundi, asaj për shfuqizimin e Ligjit të Arsimit të Lartë.
“Me mirënjohje për shembullin e tyre, opozita i siguron studentët që viti akademik nuk do të humbasë duke ju bërë thirrje të mos kenë frikë. Kauza e tyre është e drejtë! Mbarë shoqëria është me ta! #16shkurt”, shkruan më Basha, duke bërë kështu lidhjen mes atyre protestave me ngujim e bllokim fakultetesh, me protestën e paralajmëruar të 16 shkurtit. /tesheshi.com/
