Me gjasë këto orë, kryeministri Rama po ballafaqohet me pabesinë monumentale greke, shprehur në fabulën e Kalit të Trojës, por dhe në atë çfarë ka përfaqësuar e përfaqëson diplomacia e Athinës në historinë politike të botës: një lloj hileqariteti të paskrupullt. Arrestimi i Fredi Belerit po nxjerr në pah pikërisht dimensionin prej Kali Troje të këtij emri, që i paspikatur në asgjë është realisht një asgjë. Përveç një filogreqizmi vulgar, në sinkron me pretendimet për pjesëmarrje në komandon famëkeqe të masakrës së Peshkëpisë në ‘94-ën, Beleri nuk ka asgjë tjetër për t’u veçuar apo identifikuar. Ndaj, në terma jopolitikë, t’i besosh atij menaxhmentin e një bashke, është një katastrofë më vete.
Tashmë, Athina zyrtare është “ngritur në këmbë” për arrestimin e tij nën akuzën e shitblerjes së votës, duke shpërfaqur lakuriq një lloj ndjeshmërie pas së cilës dallohet një Kalë Troje e jo thjesht një individ që i është rënë më qafë.
Në sulmet e tij verbale ndaj Belerit, Rama është përpjekur të ndajë atë si person me politikën zyrtare të Athinës, në një klimë pozitive raportesh me këtë të fundit, që duket se ka qenë një mesazh i tipit: Unë e di që pas Belerit jeni ju(Athina), por është mirë dhe do doja të mos jeni.
Dhe duket se Greqia nuk është kënaqur dot me dy bashki minoritare nga reforma territoriale e 2015-ës, Dropullin dhe Finiqin; ajo do me patjetër Himarën, Himarën të papërzier me Labëri, sepse mu pse aty nuk ka minoritet të pastër grek, siç në dy bashkitë e sipërpërmendura, ajo investohet në filogreqizëm për ta patur si një enklavë të sajën në Bregun delikat entokulturor edhe gjeostrategjik.
Rama nuk iu bashkua Mitsotakisit në vizitën e këtij të fundit në Himarë pak muaj më parë, si një mesazh që nuk e njeh për greke atë zonë, një zonë që nuk njihet për greke as nga vetë grekë të sinqertë në Finiq e Dropull, të pamolepsur me sëmundjen vorioperiote të shtetit amë. Por tani i duhet të përballet me një Kalë Troje që Greqia paska vënë në Himarë, me emrin Fredi Beleri, duke patur për partnerë dyshen Berisha-Metaj.
Dhe nëse ekziston jë pikëpyetje se pse kjo dyshe ka guxuar të kandidojë një emër famëkeq si Beleri duke marrë kosto të rëndë nga sentimetet e ndjeshme atdhetare shqiptare, përgjigja gjendet pikërisht të Greqia, e cila kërkon t’ju bëhet barkë shpëtimi në ditët e zeza ku janë. Më e pakta me lobim në Perëndim. /tesheshi.com/
