![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Nga Mensur Krasniqi
Për më shumë se dy dekada Greqia vazhdon të mos pranojë emrin kushtetues të Maqedonisë. Ata gjithnjë janë shprehur se nuk dëshirojnë asnjë kompromis lidhur me këtë çështje, dhe se Maqedonia nuk mund të anëtarësohet në BE dhe NATO si “Republika e Maqedonisë”.
Për këtë së fundmi e shqetësuar ka shkruar gazeta e njohur greke “Kathimerini” ku thuhet se Shtetet e Bashkuara të Amerikës dhe Gjermania po përgatisin ftesë anëtarësimi të Maqedonisë në NATO. Sipas kësaj gazete, SHBA-ja dhe shteti gjerman mund t`i japin të drejtë Maqedonisë lidhur me çështjen e emrit që ky shtet e ka të hapur me Greqinë.
“Dy letra që janë në duar të ambasadorëve grekë në Shkup flasin për një plan anglo-amerikan që e njeh emrin kushtetues të Maqedonisë. Në letër, thuhet gjithashtu se Uashingtoni po e përshpejton rrugën e Shkupit zyrtar drejt Aleancës të Atlantikut Verior”, shkruan gazeta e njohur greke “Kathimerini”.
Sipas analistit politik Alajdin Demiri, shkrimet e “Kathemerinit” rreth anëtarësimit të Maqedonisë në BE dhe NATO, janë një sinjal i asaj që do të vjen momenti kur çështja e zgjidhjes së kontestit të emrit me Greqinë do t’i tejkaloj raportet mes Greqisë dhe Maqedonisë dhe me këtë cështje do të merren strukturat e mëdhaja, gjegjësisht Shtetet e Bashkuara të Amerikës. E aq më shumë duke pasur parasysh krizën ekonomike të Greqisë, që mund t`i vihet kusht për falje të borxhit, vetëm e vetëm të pranojë zgjidhje sa më efikase dhe të lehtë të problemit me emrin.
“Shikuar pozitën degraduese të Greqisë, rreth aferave dhe skandaleve të fundit me borxhe, gjithsesi ky moment mund të jetë i ofruar duke e kushtëzuar Greqinë me programimin e borxheve dhe mënyrën se si do t’i kthej. Kjo gjithsesi do ti shkon në favor Maqedonisë që në një mënyrë pak më efikase ta zgjedh kontestin që qe dy dekada e gjysmë ka me Greqinë. Kjo është ajo hataja e madhe që gjithnjë ndodh në politikë, kur një shtet po supozojmë ballkanik ka probleme të mëdhaja, këto probleme të mëdha shfrytëzohen për të zgjedh edhe problemet rrjedhëse sic është rasti me Maqedoninë dhe Greqinë, për arsye se po të ngel ky problem vetëm i Maqedonisë dhe Greqisë asnjëherë nuk mund të zgjidhet”, deklaroi për tesheshi.com, analisti politik në Maqedoni, Alajdin Demiri.
Ndërkaq, analisti tjetër politik Arsim Sinani shprehet për tesheshi.com duke thënë që nuk sheh momentin për ndonjë ndërmjetësim të SHBA-ve lidhur me zgjidhjen e kontestit të emrit mes Maqedonisë dhe Greqisë, meqë sipas tij SHBA ka problemet e veta në lindje që duken të jenë më të mëdha se kriza greko-maqedone.
“Unë mendoj se SHBA ka problemet e veta më të mëdha se kriza greke dhe maqedone, posacërisht pas sulmeve ajrore të Rusisë në Siri, dhe nuk mendoj se Amerika aktualisht është shumë e interesuar për krizën maqedono-greke. Megjithatë mendoj se kriza maqedono greke pa ndërmjetësimin amerikan nuk do të zgjidhet. Ndërsa elementet tjera të cilat janë vështirësuese në krizën greko-maqedonase, janë se Greqia ka përfunduar zgjedhjet parlamentare dhe kemi një koalicion jo shumë të fortë dhe të qartë mes Tsiprasit dhe partive tjera atje, dhe në anën tjetër kemi Maqedoninë e cila vitin e ardhshëm do të futet në zgjedhje”, shprehet Sinani.
Kështu që sipas Sinanit nuk do të ketë proces negociator për shkak se nuk ka as qeveri stabile në Maqedoni dhe as përfundim procesi. Për çështjen e emrit do të mund të negocohet pas zgjedhjeve që do të zhvillohen vitin e ardhshëm. /tesheshi.com/
