Drejtuesit e Paris Saint-Germain (PSG) ende nuk kanë arritur marrëveshje me Lionel Messin për nënshkrimin e një kontrate të re.
Kontrata e përfaqësuesit argjentinas skadon në fund të sezonit aktual dhe megjithëse në një moment mendohej se qëndrimi i Messit në Paris ishte thuajse i sigurt, situata nuk është aspak e thjeshtë.
Marca raporton se të gjitha palët janë larg një marrëveshjeje dhe gjithçka ndryshoi në janar, pasi argjentinasi fitoi Kupën e Botës në Katar. Para Botërorit pritej që negociatat e PSG-së me Messin të ishin shumë më të lehta dhe sulmuesi me përvojë të qëndronte në Parc des Princes, por kjo gjë ndryshoi pas përfundimit të Katarit.
Dyshohet se problemi më i madh është kërkesa e Messit për pagën.
Jorge Messi, babai dhe agjenti i sulmuesit, u takua me drejtuesit e PSG-së, por nuk u arrit asnjë marrëveshje.
Futbollisti 35-vjeçar ka shënuar 18 gola me 17 asistime në 31 ndeshje për PSG-në në të gjitha garat këtë sezon.
Çështja se me skuadrën franceze Messi nuk po arrin asgjë, madje mund të konsiderohet si dështim, jo vetëm ai por dhe dyshja tjetër Mbappe dhe Neymar, të cilët bashkë me argjentinasin formuan një treshe të frikshme sulmi. Porn ë praktikë s’ndodhi kështu.
Messi u largua nga Barcelona, por siç duket ishte i lindur vetëm për katalanasit. Ndaj dhe Barcelona përflitet si ekipi që do e ketë sërish në gji yllin argjentinas, aty ku ai i rrit si talent i madh futbolli. /tesheshi.com/
