Dy samite arabe do të mbahen me një javë larg nga fundi i këtij muaji dhe në fillim të marsit; një mini-samit në Riad dhe një samit urgjent në Kajro. Udhëheqësit arabë pretendojnë se do të përpiqen të shtjellojnë iniciativën e tyre për Gazën në samitet e paralajmëruara.
Lajmi, i formuluar në këtë mënyrë, jep përshtypjen se sundimtarët arabë janë të vendosur të ndihmojnë popullin palestinez dhe të parandalojnë synimet e Donald Trump dhe Izraelit për të dëbuar palestinezët nga Gaza. Megjithatë, kur i kthehemi realitetit, do të shohim se po këta sundimtarë arabë e lejuan Izraelin të kryente gjenocid kundër popullit palestinez dhe të shkatërronte plotësisht Gazën (e njëjta gjë po ndodh përsëri këto ditë në Bregun Perëndimor). Fatkeqësisht, disa vende arabe e ndihmuan bandën kriminale sioniste në mënyra të ndryshme gjatë agresionit ndaj Gazës.
Përveç kësaj, shumica e liderëve arabë dhe bashkëpunëtorëve të tyre shpresojnë se Izraeli do të shkatërrojë lëvizjen e rezistencës palestineze. Për këtë qëllim, ata janë të gatshëm të bashkëpunojnë me sionistët në çdo mënyrë të mundshme.
Përveç paragjykimeve dhe bashkëpunimit të lartpërmendur me regjimin sionist, liderët arabë janë të vetëdijshëm se mbijetesa e tyre varet nga Amerika dhe Izraeli.
Disa muaj më parë, përmes rastit të Bashar Asadit, ata panë se çfarë ndodh brenda natës me një lider arab që humbet mbrojtjen e fuqive të fuqishme botërore.
Atëherë si mund të presim që njerëz të tillë të vijnë në ndihmë të popullit palestinez dhe të pengojnë planet e Donald Trump dhe Izraelit?
Palestinezët nuk kanë asgjë për të shpresuar kur bëhet fjalë për liderët e Egjiptit, Jordanisë, Emirateve apo edhe Arabisë Saudite. Deri më tani, miku i vetëm i sinqertë i popullit palestinez ndër vendet arabe është Katari.
Dhe në finale, kanë Zotin, të Cilit i janë mbështetur e prej të Cilit janë pajisur me durim e qëndrueshmëri gati mbinjerëzore. Dhe sicc ka treguar historia, sicc e ka bërë të qartë dhe vetë Zoti, fitorja në fund u takon pikërisht atyre që i posedojnë këto atribute. /tesheshi.com/
