Sipas një artikulli të historianes Amy Knight, botuar në Washington Post, shanset për një kryengritje popullore kundër Kremlinit mbeten të pakta.
Një sondazh nga Qendra e pavarur ruse Levada në mars zbuloi se 83 për qind e rusëve e miratojnë mënyrën e të shërbyerit të Putinit si president, nga 71 për qind në muajin e kaluar.
Knight vuri në dukje se kërcënimi më i mundshëm për sundimin e Putinit vjen nga vetë regjimi dhe se historia ruse ofron disa shembuj.
Ka pasur dy grusht shteti të suksesshëm që kur bolshevikët morën pushtetin në 1917, duke përfshirë rrëzimin e Lawrence Beria, shefit të policisë sekrete të epokës staliniste në qershor 1953, dhe rrëzimin e Sekretarit të Parë të Partisë Komuniste Nikita Hrushovi në tetor 1964.
Përveç ekzekutimit të Berias dhe gjashtë bashkëpunëtorëve të tij, këto dy grushte shteti kaluan relativisht pa gjakderdhje.
Në të dyja rastet, mbështetja e shërbimeve të sigurisë dhe ushtrisë sovjetike ishte vendimtare për suksesin e tyre, thotë autorja.
Çdo përpjekje për të rrëzuar Putinin do të kërkonte mbështetjen aktive ose pasive të tre organizatave kryesore: Ushtrisë Ruse, Shërbimit Federal të Sigurisë Ruse (FSB) dhe Gardës Kombëtare Ruse.
Megjithatë, Putini ka aleatë të fuqishëm në të gjitha këto institucione.
Shefi i FSB-së, Aleksandër Bortnikov është i afërt me Putinin dhe presidenti i Këshillit të Sigurisë Kombëtare, Nikolai Patrushev ka forcat e tij speciale dhe një rrjet të gjerë oficerësh kundërzbulimi që monitorojnë me vigjilencë ushtrinë.
Edhe pse jo nga Shën Petersburgu apo një veteran i KGB-së, ministri i Mbrojtjes Sergei Shoigu ka bashkëpunuar ngushtë me Putinin prej vitesh.
Në një takim të Këshillit të Sigurisë Kombëtare në shkurt, Shoigu, ushtria e të cilit numëron rreth 900,000 personel aktiv, mbështeti me gjithë zemër pushtimin e Ukrainës.
Shefi i Gardës Kombëtare Viktor Zolotov ndoshta gëzon besimin më të madh të Putinit.
Megjithëse Putini duket se ka siguruar bazat e tij, fati i Berias dhe Hrushovit ka treguar se besnikëria mund të ndryshojë kur Kremlini është në krizë.
Shoigu dhe Zolotov mund të konsiderojnë “të hidhen nga anija”, ashtu siç bënë ndihmësit e Berias, në rast se do të shfaqet një koalicion i fortë anti-Putin, përfundoi Knight.
Por një gjë duket e sigurt: një tentativë për grusht shteti kundër Putinit do të ishte ndoshta operacioni më i rrezikshëm në historinë e Kremlinit. /tesheshi.com/
