Nga Blendi Gashi
Kosova vazhdon të jetë në një krizë të thellë politike. Dhe puna po shkon gjer aty sa së fundmi po shqyrtohen emra ndërmjetësues, si ai i Marti Ahtisaarit, pastaj emri i Karl Bildt, apo edhe konsulta me Komisionin e Venecias. Kështu të paktën ka rapotuar gazeta austriake Der Standard.
Ndërkohë që një ndërmjetësim tentoi ta bënte dhe Ilir Meta pak javë më parë, por që sicc u tregua ditë pas ditë, nuk pati asnjë rezultat.
Sakaq, ka zëra, qoftë analistësh e qoftë politikanësh, të cilët e quajnë të pafrytshëm ccdo ndërmjetësim, edhe sikur ai të vijë nga ndonjë ndërkombëtar me peshë.
Lideri i VV-së, Visar Ymeri, në një emision televiziv i pyetur për ndërmjetësimin eventual nga Ahtisaari ka thënë se një gjë e tillë nuk është zgjidhje, duke insistuar se duhet të bëhet legjitimiteti i pushtetit përmes votës demokratike.
“Kosova nuk lëngon për ndërmjetësim”, ka deklaruar Ymeri.
Sekretari i NISMA për Kosovën, Bilall Sherifi, thotë se teknikat e ndërmjetësimit nuk janë mënyra që e zgjidhin krizën politike, duke aluduar në atë se nuk nevoitet ndërmjetësimi as nga Ahtisaari as nga ndonjë person tjetër.
“Rruga për zgjidhjen e krizës politike kalon vetëm përmes popullit. Ndërmjetësues më të mirë se populli nuk ka. Pra, me fjalë të tjera, pas tërë asaj që ka ndodhë nga muaji gusht 2015 zgjedhjet kanë mbetur mekanizmi i vetëm demokratik që do t’i jepte zgjidhje krizës politike në vend”, ka deklaruar Sherifi për tesheshi.com
Edhe analisti politik Ali Hertica, mendon njëjtë si partitë opozitare duke thënë se as ndërmjetësimi nga personat e lartcekur nuk do të reflektonte pozitivisht në uljen e tensioneve të blloqeve të politikës kosovare.
“E gjithë kriza politike në Kosovë është si burim i pakos së Ahtisaarit, kështu që nuk do të ketë diçka që Ahtisaari mund të heq apo të shton. Ai do t’iu thotë partive politike se të gjitha i gjeni në pako të cilën duhet ta zbatoni.
Kështu, që nuk do të ketë kurrfarë roli pozitiv në uljes e tensioneve edhe nëse ai vjen në Kosovë”, thotë Hertica për tesheshi.com.
Sipas tij, e vetmja zgjidhje është që liderët politik të Kosovës të ulën dhe të bisedojnë për një stabilitet në skenën politike dhe të japin një datë sa më shpejt për mbajtjen e zgjedhjeve nacionale ku përfundimisht do të qetësoheshin tensionet aktuale. /tesheshi.com/
