Imagjinojeni për një moment Ina Zhupën, së paku e freskët në pamjen e saj femeërore, e cila, si reagim ndaj batutave pa sens e deri dhe fyese të deputetit Erion Braçe ndaj saj, zgjedh ta sfidojë apo dhe ta turpërojë, me një gjuhë të rafinuar, pa fyerje, pa banalitetet, me klas e finesë, në harmoni të plotë me feminitetin e saj pamor. Por jo! Zgjedh të jetë ana tjetër e Braçes, si ana tjetër e një medaljeje të njëjtë. Dhe nëse mendoni se pas ditësh nga ajo replikë e ulët mes tyre në parlament, njëri prej tyre, znj. Zhupa në këtë rast që është femër, do kishte reflektuar, duke ia lënë nervit të momentit gjuhën e saj tipike mashkullore, gabon. Ajo i qëndron asaj gjuhe.
“Shprehjet që përdora janë shprehje të popullit shqiptar(populli shqiptar nuk citon Erion Braçen – shën. Red.) dhe nuk theva asnjë kod të etikës”, tha znj. Zhupa, më saktë u justifikua, gjatë një interviste televizive të shtunën.
Nisur nga forca ku aderon, PD-ja, e cila ndryshe është e gjithë Berisha, karakteri dhe gjuha e tij, deputetja Zhupa është në sinkron të plotë politik në gjuhën e zgjedhur, pra si personash i PD-së.
Por nisur nga ajo së ç’është vetë njeriu, në formimin dhe karakterin e saj, pavarësisht se ku e rreshton jeta dhe me kë e përballë ajo, këtu ka një pikëpytetje të madhe. E sigurt është, se po të kish zgjedhur gjuhë tjetër, atë sipërore nga ana etike ndaj Braçes, me gjasë, këtë të fundit do e bënte të pendohej e në opinion do shihej me respekt. Por ndoshta partia nuk ia lejon, në subkoshiencë politike, pasi dhe falimentimi më i madh i PD-së, para se të jetë politik është etik. /tesheshi.com/
