Sekretari i Përgjithshëm i KB, Antonio Guterres ka bërë thirrje për një përgjigje urgjente për të shmangur një “urgjencë globale të ushqimit”.
Ai tha se më shumë se 820 milion njerëz janë të uritur, rreth 144 milion fëmijë nën moshën 5 vjeç kanë probleme zhvillimi për shkak të kequshqyerjes, dhe pandemia e virusit koronar dhe sëmundja COVID-19 i përkeqësojnë gjërat.
Guterres tha se ka mjaft ushqim për të ushqyer 7.8 miliardë njerëz në botë, por se “sistemet tona ushqimore po dështojnë”.
Furnizimi është i rëndësishëm
Duke folur për ndikimin e COVID-19 në sigurinë e ushqimit, ai tha se gati 50 milion njerëz mund të futen në varfëri ekstreme për shkak të pandemisë.
“Numri i njerëzve që përballen me mungesa të ushqimit ose ushqim të dobët do të rritet me shpejtësi,” theksoi ai.
Guterres tha se furnizimi me ushqim duhet të etiketohen si kyç, dhe punëtorët në industrinë e ushqimit duhet të mbrohen.
Ai theksoi se vendet duhet të sigurojnë qasje në “ushqim të sigurt, veçanërisht për fëmijët, gratë shtatzëna dhe ato që ushqehen me gji, të moshuarit dhe grupet e tjera në rrezik”. /tesheshi.com/
