Disa nga aeroportet më të ngarkuara, përfshirë ato të New York-ut, mund të jenë nën ujë deri në fund të shekullit nëse niveli i detit rritet, paralajmëruan shkencëtarët.
Duke u ngritur niveli i detit me një metër, 80 aeroporte do të jenë nën ujë deri në vitin 2100, sipas një analize nga Instituti Botëror i Burimeve (WRI).
Paneli Ndërqeveritar i 2019 për Ndryshimin e Klimës paralajmëron rritje të niveleve të detit nga 60 në 110 centimetra, vetëm nëse emetimet e gazit serë nis të kufizohen.
Aeroportet në rrezik përfshijnë ato të New York-ut, “Yancheng Nanyang” të Kinës dhe “Schiphol” të Amsterdamit.
Për shkak të ndikimeve gjithnjë e më të dukshme negative të ndryshimit të klimës, menaxherët e aeroporteve në rajone bregdetare kanë filluar të investojnë në masa të ndryshme, siç është ngritja e pistave, ndërtimi i mureve mbrojtëse nga përmbytjet dhe sistemet më të mira të kullimit.
Aeroporti “Changi Singapor”, i cili ka analizuar skenarët e mundshëm deri në vitin 2100, po ndërton një terminal të ri pesë metra e gjysmë mbi nivelin e detit.
Muajin e kaluar, u aprovua një plan-projekt 587 milion dollarë për të ngritur një mur 8 metra të lartë në aeroportin e San Franciskos.
Shumë aeroporte më të vogla në vendet ishullore që nuk kanë fonde, siç janë ato në Paqësor, janë gjithashtu në rrezik. /tesheshi.com/
