Nga Bekim Laci
Situata në Bashkësinë Islame të Maqedonisë është e qetë, ndërkohë që dy palët në konflikt kanë hyrë në ditën e katërt të ngujimit brenda institucionit më të lartë fetar, i cili është shnëdrruar në shtëpi të tyre.
Për çdo rast, aty qëndon policia duke u kujdesur për prishjen eventuale të rendit, edhe pse deri më tani nuk ka patur nevojë për intervenim.
Vet protagonistët, për portalin tesheshi.com, thonë se telashet e krijuara kanë edhe prapaskenën e vet politike, ndërsa njoftojnë se kanë filluar edhe betejën juridike për zgjidhje të këtij problemi.
Zëdhënësi i BFI-së, Agron Vojnika, që mban anën e kryetarit Sulejman Rexhepi, akuzon të ashtuquajturin grup puçist se kanë okupuar objektin për motive politike pasi botërisht njihen për afinitetet e tyre me partinë e Menduh Thaçit, ndërsa në koordinim me strukturat maqedonase të sigurisë kanë për qëllim të defokusojnë opinionin nga kriza aktuale politike:”Kjo fatmirësisht u dështoi sepse dikush dëshiroi të derdhet gjaku I shqiptarëve dhe kështu të minimizohet impakti I bombave të opozitës. Vet deklarata e ministrisë së brendshme se në BFI ka patur zënka verbale, dëshmon se kush qëndron prapa kësaj” na tha Vojnika, duke u ankuar në përkrahësit e grupit “puçistët” të cilët qëndrojnë në oborin e BFI-së, dhe ushtrojnë terror psiqik mbi ta.
Vojnika akuzon policinë se nuk ndërmer masa kundër personave që sulmuan BFI-në, edhe pse ka qenë cak i një sulmi antikushtetues.
Ndërsa Myftiu Ibrahim Shabani, që udhëheq me grupin i cili kërkon dorëheqjen e kryetarit Sulejman Rexhepi, pranon se njerëzit në oborrin e institucionit janë përkrahës të tyre, por thotë se ata janë anëtarë të bashkësisë islame që paguajnë kontributet, sepse sipas tij, BFI llogaritet vakëf, kështu që ata kanë të drejtë kushtetuese të interesohen për fatin e pronës së tyre, sqaron Shabani
Shabani njoftoi se në cilësi të Myftiut të Shkupit, ka filluar betejën juridike për shkarkim të kryetarit Rexhepi, ndërsa në bazë të nenit 58 të kushtetutës së BFI-së, ku mes tjerash thuhet se mund të shkarkohet nëse qëndrimi dhe puna e tij janë në kundërshim me normat Islame dhe aktet normative të BFI-së”.
(Ditë më parë, ai akuzuoi kryetarin se ka përdorur të shara dhe ofendime nga më të ndryshmet)
“Ne si Myftini e Shkupit, kemi nisur procedurën për të marë pëlqimin e 1/3 nga gjithsej 13 Myftini sa ka Maqedonia, që më pastaj të thiret Rijaseti i BFI-së i cili mund të shkarkojë kryetarin. Unë akoma mbetem Kryemyfti i Shkupit, pasi për shkarkimin tim nuk ka proçesverbal dhe as vendim” na tha Shabani.
Palët në konflikt tani kanë filluar edhe lobimin që tëfitojnë besimin e Myftinive dhe Rijasetit, të cilët kanë kompetencat për emërime dhe shkarkime. /tesheshi.com/
