Në një intervistë për Bild-in gjerman, presidenti ukrainas Volodymyr Zelensky foli për ditët më të vështira që po përjeton vendi i tij, i cili u sulmua nga Rusia dy javë më parë.
Kur u pyet se si ia del me gjithçka dhe a fle ndopak, ai u përgjigj me krenari:
“Në të gjitha pjesët e Ukrainës, madje edhe të pushtuara, flamujt tanë verdhë e blu janë ende të valëvitur! Njerëzit nuk kanë shumë kohë për të fjetur, ne po mbrojmë vendin për dy javë,” tha ai.
Duke folur për faktin se ai është në krye të listës së pretenduar për t’u hequr qafe nga Putini, si dhe se familja e tij është në të njëjtën listë menjëherë pas tij, Zelensky tha se më të afërmit e tij janë krenarë për të.
“Ata janë krenarë dhe ne jemi krenarë që jemi ukrainas. Ata e dinë që kam mundur të arratisem dhe të jem diku i sigurt tani, por ata e kuptojnë dhe mbështesin vendimin tim për të qëndruar këtu sepse është një vendim për atdheun tonë. Ata duan që Kievi të qëndrojë i forte. Sigurisht që janë të shqetësuar për mua, është njerëzore, por në zemër janë me mua”, ka shtuar ai.
“Ky është një moment historik për vendin tonë dhe më vonë do të ketë kohë për të kujtuar të gjitha vështirësitë që ka kaluar çdo individ. Nuk do të harrojmë momentet kur bëmë diçka të madhe. Qëllimi ynë është të forcojmë vendin, jo pa marrë parasysh koston. Të gjitha këto i bëj për fëmijët dhe nipërit e mbesat tanë. Nuk dua të mbahem mend si i dobët”, tha presidenti ukrainas.
Gazetari i tha Zelensky-t se ai ka një ndjenjë se Kievi së shpejti do të jetë nën rrethim. Por presidenti ukrainas këmbëngul se nuk ka frikë.
“Nga çfarë duhet të kem frikë? Nuk duhet të kem frikë, qëndroj i qetë,” tha ai, duke shtuar se më e keqja tashmë kishte ndodhur me Ukrainën.
“Kemi luftë, shumë njerëz kanë humbur jetën, shteti ynë është shkatërruar… Por ne besojmë në të ardhmen. Ne nuk do të dorëzohemi, nuk do të dorëzohemi, nuk do të shesim tokën tonë”, tha ai.
Ai iu përgjigj gjithashtu një pyetjeje në lidhje me kërkesën që Ukraina të njohë pavarësinë e dy republikave renegate në Donbas dhe të pranojë Krimenë si pjesë të Federatës Ruse.
“Nuk është çështja se nga çfarë mund të heqim dorë. Në çdo negociatë synimi im është t’i jap fund luftës me Rusinë dhe në këtë kuptim jam i gatshëm për hapa të caktuar. Kompromiset janë të nevojshme, por nuk duhet të jenë tradhti.
Dhe pala tjetër duhet të jetë e gatshme për kompromis, prandaj quhen kompromise. Kjo është e vetmja rrugëdalje nga kjo situatë. Por nuk mund të flas ende për detaje. Vetëm bisedimet e drejtpërdrejta mes dy presidentëve mund t’i japin fund kësaj lufte”, tha Zelensky. /tesheshi.com/
