Presidenti i PE, David Sassoli tha se pavarësisht daljes së Mbretërisë së Bashkuar nga BE, rregullat që duhet të ndiqen për vendet që dëshirojnë të anëtarësohen në Union nuk do të ndryshojnë
“Ka rregulla të përcaktuara për procesin e pranimit”, tha Sassoli në një konferencë shtypi në Bruksel.
I pyetur se çfarë do të thotë dalja e Mbretërisë së Bashkuar nga BE për vendet e Ballkanit Perëndimor dhe nëse ndonjë prej tyre mund të përfitojë nga lënia e një “vendi lirë”, ai tha se përveç rregullave të përcaktuara, ekziston nevoja për shkëmbim idesh dhe dialogu kur bëhet fjalë për zgjerimin.
Sassoli përsëriti se BE gjithashtu ndan sfidat e përbashkëta ekonomike, sociale dhe të sigurisë me Ballkanin Perëndimor.
Presidenti i Parlamentit Evropian përsëriti se pret që negociatat e pranimit me Maqedoninë e Veriut dhe Shqipërinë të hapen së shpejti. /tesheshi.com/
