A është një martesë e lumtur parakusht për t’u bërë milioner? Sipas shefes operacionale të Facebook-ut, Sheryl Sandberg, zgjedhja e personit me të cilin martohesh është zgjedhja më e rëndësishme që dikush bën edhe në lidhje me karrierën e tij. Dhe kur e thotë një nga gratë më të rëndëssishme të botës së biznesit, mund ta merrni si të vërtetë.
Sheryl dhe bashkëshorti i saj, David Goldberg, dhe ai shef ekzekutiv dhe milioner në një kompani të fuqishme, nuk janë vetëm një çift me një martesë të lumtur por dhe shumë të fuqishëm. Një tjetër çift i këtyre përmasave është Bill dhe Melinda Gates, që janë martuar në vitin 1994. Edhe ata duket se shkojnë mjaft mirë me njëri-tjetrin dhe janë të lumtur në ambientet e shtëpisë dhe jashtë saj.
Këto çifte mund të gjenden edhe jashtë mureve të Silicon Valley dhe mund të thuhet se pikërisht këta “çifte të artë” po pushtojnë botën. Nëse do t’u hedhësh një sy listave të personave më të pasur në botë, pjesa më e madhe e tyre janë të martuar dhe jo me gra apo burra “trofe”, por me persona me integritet moral dhe shumë të zotët në fushat e tyre të profesionit.
Një tjetër tregues i lidhjeve të mira është se ndërsa për njerëzit e thjeshtë përqindja e divorceve është 40%, në rastin e pasanikëve është shumë më e ulët, dhe në fakt ata nuk bëjnë një jetë aq të shthurur sa çmund ta imagjinojmë. Sipas një psikologeje, një nga arsyet e martesave deri diku të qeta të milionerëve, është se kur dikush ka shumë para ka nevojë edhe për një lidhje të sigurtë dhe të qetë në jetën e tij.
Të gjithë në fund të fundit jemi në kërkim të lidhjes ideale, pavarësisht rrugës që ndjekim për ta pasur një gjë të tillë. Megjithatë paraja, siç dihet, është një ndihmë në marrëdhëniet në çift, por kurrësesi nuk mund ta blejë lumturinë. Si edhe në çdo rast, edhe në rastin e milionerëve, martesa me njeriun e duhur, atë që është në një nivel me ty dhe po aq ambicioz dhe i suksesshëm është një nga shanset më të mëdha që mund t’i vijnë dikujt, një nga ndihmat më serioze dhe mbështetjet e mëdha.
Përgatiti: Dori Daka – tesheshi.com
