Sipas hetuesve, ai dyshohet se ka ndihmuar republikat e vetëshpallura të Luhansk dhe Donetsk t’i shesin qymyr Kievit me vlerë 48.6 milion euro (EPA) nga 2014 deri në 2015.
Ish-presidenti ukrainas Petro Poroshenko dyshohet për tradhti të lartë për blerjen e qymyrit nga separatistët pro-rusë, njoftuan të hënën hetuesit ukrainas, që është një akuzë e re kundër rivalit të presidentit aktual Volodymyr Zelensky, transmeton AFP.
Poroshenko, 56 vjecc, president i Ukrainës nga viti 2014 në 2019 dhe aktualisht deputet, tashmë është dyshuar në disa hetime për korrupsion.
Zyra e Hetimeve të Ukrainës, e cila po kryen hetime kundër zyrtarëve të lartë, njoftoi të hënën se Poroshenko dyshohet për “tradhti të lartë” sepse dyshohet se ka mbështetur “organizata terroriste” dhe me këtë nënkupton separatistët.
Sipas hetuesve, ai dyshohet se ka ndihmuar republikat e vetëshpallura të Luganskut dhe Donetskut t’i shesin qymyr Kievit nga 2014 deri në 2015 në shumën prej 48.6 milion euro.
Ukraina ka qenë në konflikt me këto provinca rebele që nga viti 2014. Lufta shpërtheu pas aneksimit rus të Krimesë dhe deri më tani ka marrë më shumë se 13,000 jetë.
Poroshenko, i cili përballet me 15 vjet burg, nuk ka komentuar ende për akuzat e reja.
Një nga bashkëpunëtorët e tij të ngushtë, Oleksandr Turchynov, vlerësoi se afera ishte “fabrikuar me urdhër të drejtpërdrejtë të presidentit ukrainas”.
Poroshenko është aktualisht jashtë vendit, por nuk ka ndërmend të largohet nga autoritetet, tha Turchinov. /tesheshi.com/
