Ministri i Rendit në Afrikn e Jugut, Bheki Cele i ka kërkuar falje komunitetit musliman në vend për fjalët blasfemuese nga një oficer policie ndërsa kapi besimtarë që sipas tij kishin shkelur masat e vetëizolimit në kushtet e pandemisë.
Kërkimi i faljes erdhi disa orë pasi u postua një video në mediat sociale ku oficerët e policisë arrestuan 24 besimtarë muslimanë në provincën Mpumalanga.
Në fund të videos, një nga oficerët e policisë u dëgjua duke pyetur besimtarët: “A është Muhamedi më i madh se presidenti?”, pra referuar urdhërit të presidentit Cyril Ramaphosa mbi masat e shpallura më 27 mars.
Policia tha se besimtarët e ndaluar kishin shkelur karantinën, e që për këtë mund të ndëshkohen, por fjalët e efektivit të saj ishin vërtet të rënda.
Zëdhënësi i policisë, Vishnu Naidoo tha në një deklaratë se fjalët e dhëna nga oficeri i policisë ishin plotësisht të papranueshme.
Ai gjithashtu theksoi se departamenti i policisë kërkoi që i gjithë çështja të hetohet dhe që personi ose personat që kanë dhënë fjalët fyese të identifikohen dhe të ndëshkohen. /tesheshi.com/
