Nard Ndoka është larguar nga PD. Është ky lajmi që qarkulloi në disa prej portaleve, por që në fakt nuk është i vërtetë.
Portalet i referoheshin deklaratave që deputetët plotësojnë në Kuvend dhe Ndoka bashkë me Dashamir Shehin, Vangjel Dulen dhe Fatmir Mediun kanë firmosur në emër të partive të tyre.
Duket se ky moment është keqkuptuar dhe është interpretuar si largim i Ndokës dhe aleatëve të tjerë të PD-së nga grupi parlamentar më i madh i opozitës.
Në fakt, pavarësisht kritikave që mund të kenë për kursin e ndjekur nga Lulzim Basha dhe akuzave mbi marrëveshjen me Edi Ramën, deputetët që janë kryetarë të partive të vogla, dhe që hyjnë në Kuvend si pjesë e listës së kandidatëve të PD-së, do të vijojnë të jenë pjesë e grupit parlamentar të kësaj partie. /tesheshi.com/
