Në mënyrën me aprofesionale, kryeministri Rama u pyet në konferencën për shtyp Prishtinë nëse ai është proserb apo se ka synim të rrëzojë qeverinë Kurti.
“Pro serb? Sigurisht. Unë jam vëllau i Vuçiçit”, u përgjigj Rama në stilin e tij pa komplekse. “Por përtej kësaj unë dua të them se ne nuk na duhet një Serbi e radikalizuar, aq më tepër në kontekstin e sotëm. Ne na duhet të bëjmë ç’mos që të rrisim të gjitha ato mundësi që e integrojnë këtë pjesë të Evropës, që jo pa arsye është edhe pjesa më e prapambetur ekonomikisht”, arsyetoi më pas ai me seriozitet.
Sa i përket pyetjes së dytë, asaj të rrëzimit të qeverisë së Kosovës, Rama tha se “Albin Kurtin e rrëzon vetëm një protestë e Albinit”, duke shtuar më pas “ne nuk mund të bëjmë tani gonglomerat përgjigjesh për çfarëdolloj pyetjesh, se pastaj nuk jemi më kryeministra, por edhe analistë politike jo të mirë”. /tesheshi.com/
