Koço Kokëdhima ka përgatitur një fjalim bombastik më 23 nëntor në Gjykatën Kushtetuese ku ai do të publikojë fakte se nuk është pronar i kompanive të tij.
Kokëdhima përballet me rrezikun e heqjes së mandatit për arsye të konfliktit të interesit: që kompania që ai ka drejtuar ka përfituar fonde publike.
Deputeti i PS-së thotë se ai nuk i drejton më kompanitë e tij, por opozita e akuzon se është bashkëshortja e tij menaxhere juridike.
Gjykata Kushtetuese do të shqyrtojë me 23 nëntor kërkesën ankimore të Partisë Demokratike për konstatimin si të papajtueshëm të ushtrimit të mandatit të deputetit Koço Kokëdhima.
“Gjykata vendosi që ta pranojë kërkesën për të marrë pjesë si subjekt i interesuar deputeti Koço Kokëdhima në seancë dhe të shtyjë seancën gjyqësore me datë 23 nëntor, ditë e hënë ora 10:00” – tha kryetari Bashkim Dedja.
Avokati i deputetit kërkoi që të ishte palë në këtë proces, kërkesë kjo që u kundërshtua nga Partia Demokratike. Avokati Ivi Kaso tha se çështja është shqyrtuar në themel nga Kuvendi dhe vendimi i këtij institucioni sipas tij është në kundërshtim me kushtetutën.
“Deputeti Koço Kokëdhima është kërkuar me kërkesë drejtuar kësaj gjykate që të marrë pjesë në gjykimin kushtetues me cilësinë e subjektit të interesuar”- tha avokati i deputetit.
Në korrik të këtij viti PD i’u drejtua Gjykatës Kushtetuese duke kundërshtuar vendimin e Kuvendit për mosdërgimin në Kushtetuese të çështjes.
Neni 70 i Kushtetutës parashikon që deputetët nuk mund të kryejnë asnjë veprimtari tjetër fitimPrurëse nga buxheti i shtetit, dhe se në rast se shkelet ky parashikim i këitj neni, Kuvendi i drejtohet Gjykatës Kushtetuese.
Në kërkesën e tyre demokratët shprehen se maxhoranca me forcën e kartonëve nuk e çoi këtë çështje në Kushtetuese. /tesheshi.com/
