Politika shqiptare ka regjistruar sot atë që mund të quhet fotoja e shekullit: ministrja e Arsimit, Lindita Nikolla ulet pranë Berishës dhe i shpjegon atij detaje të projektligjit të shumëdiskutuar të Arsimit të Lartë.
Sigurisht që pamje të tilla hasen rrallë në zhvillimet politike dhe parlamentare në Shqipëri. Deputetët kundërshtarë, ndodh që të përshëndeten mes tyre, të fjalosen shoqërisht, madje dhe të bashkëpunojnë në disa raste; por kur është fjala për situata të nxehta të një papajtueshmërie esktreme, siç në rastin e këtij projektligji, pamje të tilla pothuajse mungojnë. Dhe aq më tepër kur në qendër të tyre është Berisha dora vetë.
