“Jo”-ja e Bukselit për liberalizimin e vizave me Kosovën, ka bërë që disa prej krerëve të Prishtinës zyrtare të humbin qetësinë. Ndër ta veçohet ministri i Jashtëm Thaçi, i cili dukshëm ka pritur të kundërtën, gjë që do ia rriste kuotimet politike në këtë situatë të ndezur, ku figura e tij, për shkak të marrëveshjeve me Serbinë, ka marrë një goditje të fortë në opinion.
Sakaq, Thaçi ka bërë dhe një deklarim populist, por që ngjan si demagogji e thekur karshi rastit në fjalë.
“Për fat të mirë, apo të keq, bartësit e institucioneve të gjithë pa dallim, anëtarë të qeverisë, presidenca, deputetët, kryetarët e komunave janë të pajisur me viza. Ndërsa kush po mbetet pa viza sot në Kosovë? Po mbesin studentët, njerëzit e biznesit, njerëzit e thjeshtë, njerëzit që nuk kanë ndonjë fuqi politike”, deklaroi numri dy i qeverisë së Kosovës.
Siç mund të nuhatet, “okej”-i dyshes Mustafa – Thaçi për Ascacionin dhe Demarkacionin, pritej prej tyre të kishte si resto liberalizimin e visave, siç pati dhe nënshkrimin e MSA-së, dhe kjo mund të jetë arsyeja që Thaçi e ka lëshuar gjuhën ndaj diplomacisë europiane. Eshtë gjuha e një njeriu të prerë në besë.
Ai ka deklaruar se fillimi i 2016-ës, me patjetër do i sjellë vizat, që do të thotë se mund t`i rinegociojë firmat e hedhura në Bruksel.
Por kësaj i thonë që ta çosh popullin të zgjedhë mes të sotmes me vështirësi lëvizjeje në zonën Shengen, por pa serbin nëpër këmbë, apo të djeshmes ku mund ta shkoje nga të doje, por jo të jetoje i qetë në Kosovë?!
/tesheshi.com/
