Thuhet se nëse ha disa banane në të njëjtën kohë, mund të jetë shumë e dëmshme për shëndetin, por shumë persona nuk e dinë se edhe vetëm 6 banane përnjëherë mund të shkaktojnë vdekjen. Por a është kjo e vërtetë? Bananet janë një nga frutat më popullore në botë, të pasura me vitamina dhe minerale. Pra, kur janë kaq të shëndetshme, atëherë pse janë njëkohësisht edhe kaq fatale për jetën?
Një person i njohur që ka shpërndarë këtë ide është Karl Pilkington, miku i komedianit Ricky Gervais.
“Pak më parë ju folët për bananet. Mendova rreth faktit se nëse ha më shumë se gjashtë banane, mund të keni pasoja shumë negative, për të mos thënë që do të vdisni”,- tha ai në një intervistë me Gervais.
“Kjo sepse niveli i potasit rritet shumë në trup kur konsumon më shumë se gjashtë banane. Pash disa banane. Këtu janë më shumë se gjashtë banane? Jua siguroj se nëse konsumoni shtatë, do të keni pasoja negative”,- ishin fjalët e tij.
Pra, sa i rrezikshëm mund të jetë potasi? Faktikisht është shumë i rëndësishëm or jetesën e një njeriu dhe gjendet në çdo qelizë të trupit. Kjo konfirmohet edhe nga dietologët në St George’s Hospital në Londër.
“E përdorim potasin për të gjeneruar energji, çka ndihmon në funksionimin e rregullt të qelizave. Na ndihmon të mbajmë të mbajmë në një nivel të rrahurat e zemrës, ndihmon në prodhimin e insulinës nga pankreasi në mënyrë që të jetë në nivel edhe sheqeri në gjak dhe më e rëndësishmja, për të kontrolluar presionin e gjakut”,- thonë ata.
Nga ana tjetër, nëse niveli i potasit në gjak është shumë i ulët apo shumë i lartë mund të kemi probleme me të rrahurat e zemrës, me stomakun, të përziera dhe diarre. Kaloridet e potasit janë një nga kimikatet më të përdorura në injeksione në Shtetet e Bashkuara, ndërsa doza të larta dhe të pakontrolluara të potasit mund të shkaktojnë arreste kardiake.
Për një person të shëndetshëm një overdozë bananesh mund të jetë vdekjeprurëse. “Do të duhet konsumi i rreth 400 bananeve në ditë për të pasur atë sasi potasi në trup, çka shkakton ndalimin e të rrahurave të zemrës e si rrjedhojë vdekjen e menjëhershme. Pra, bananet nuk janë dhe aq të rrezikshme dhe ato janë shumë të shëndetshme për organizmin”,- thotë Catherine Collins.
Të rriturit mund të konsumojnë rreth 3500 mg potas në ditë, sipas UK National Health Service. Një banane normale peshon rreth 125 gramë dhe përmban rreth 450 mg potas, çka do të thotë se një person i shëndetshëm mund të konsumojë të paktëb shtatë banane e gjysmë në ditë përpara se të arrijë në nivelin e rekomanduar të potasit.
Ka disa persona të cilët duhet të kujdesen në lidhje me nivelin e potasit në organizëm dhe ata janë personat që vuajnë nga problemet me veshkat.
“Këta persona kanë një nivel shumë të ulët të funksionimit të veshkave, çka do të thotë se një nivel i lartë i potasit në gjak mund të çojë në mospërthithjen e nevojshme të mineraleve dhe probleme të shumta me urinimin. Ndaj, teorikisht është shumë e mundur që një person i cili ka problemet me veshkat, të vdesë në rast se konsumon ushqime të ndryshme më nivele të larta mineralesh”,- thotë ajo.
Mjekja tregon një rast ku një paciente me dializë ka pësuar atak zemre pasi konsumoi shumë domate (një tjetër frut i pasur me potas). Veshkat e saj ndaluan së funksionuari ndaj ajo e kishte të pamundur të urinonte.
Një tjetër arsye pse shumë njerëz mund të shqetësohen në lidhje me konsumin e bananeve, është rrezatimi. Si shumë ushqime të tjera, bananet përmbajnë në mënyrë natyrale izotope radioaktive. Një banane normale përmban 0.1 njësi rrezatimi. “Nivelet e radioaktivitetit janë të papërfillshme. Bananet nuk janë aq radioaktive sa arrat braziliane dhe janë shumë të shëndetshme nëse konsumohen në mënyrë të moderuar”,- shpjegon Collins./tesheshi.com/
