Në mes të rebelimit ushtarak të udhëhequr nga grupi Ëagner në Rusi kundër Vladimir Putinit, përdoruesit e rrjeteve sociale vunë re lëvizjet e paparalajmëruara të avionit privat të presidentit të Bjellorusisë, Alexander Lukashenko.
Familja Lukashenko përdor mjaft shpesh avionin e tyre privat, por koha e këtij fluturimi ishte e çuditshme. Duhet përmendur se nuk dihet nëse në avion ndodhet edhe vetë presidenti.
Lukashenko është një nga aleatët më të mëdhenj të Vladimir Putinit dhe aktivitetet që po zhvillohen në Rusi e bëjnë këtë lëvizje, për të mos thënë më pak, të çuditshme, shkruan Yahoo.
Kujtojmë se në orët e para të mëngjesit të së shtunës, më 24 qershor, pati një rebelim të armatosur nga grupi Wagner, nën udhëheqjen e Yevgeny Prigozhin, kundër Vladimir Putinit dhe autoriteteve në Rusi.
Wagner ka marrë kontrollin e Rostovit dhe po marshon drejt Moskës, me qëllimin final për të rrëzuar regjimin e Putinit dhe vetë këtë të fundit. /tesheshi.com
