Rezistenca epike e Gazës, e pa të dytë në histori, e detyroi një prej shteteve më mizore në histori, Izraelin, të nënshkruaje një marrëveshje armëpushimi. Për më shumë se pesëmbëdhjetë muaj, armiku sionist dhe mbështetësit e tij nuk kanë mundën të arrijnë qëllimet për të cilat agresuan Gazën, ku në finale donin të fshinin nga faqja e dheut. Qëllimet e deklaruara të Izraelit ishin: eliminimi i Hamasit dhe aftësive të tij ushtarake, lirimi i pengjeve, eliminimi i sundimit civil të Hamasit në Gaza dhe persekutimi i popullit të Gazës.
Sekretari amerikan i Shtetit Blinken kohët e fundit tha se “mposhtja e Hamasit vetëm përmes zgjidhjeve ushtarake nuk është e mundur”.
Prandaj, deklarata e Blinken sugjeron se ka një ndryshim në mjetet që do të përdoren për të arritur qëllimet e listuara të Izraelit dhe mbështetësve të tij. Që do të thotë se beteja vazhdon pavarësisht armëpushimit, por metodat e saj tani do të jenë të ndryshme.
Izraeli dhe aleatët e tij perëndimorë do të bëjnë gjithçka për të thyer rezistencën palestineze në Gaza, ku përfshihet dhe qëndrueshmëria dhe durimi mbinjerëzor i popullatës përballë krimeve çnjerëzore izraelite. Fjala vjen, mund të përpiqen të mbjellin mosmarrëveshje midis grupeve brenda lëvizjes palestineze dhe t’i largojnë njerëzit nga rezistenca.
Por më e rëndësishme, zbatuesit e këtyre metodave të pritshme për arritjen e qëllimeve të vjetra nuk do të kufizohen vetëm tek Izraeli dhe mbështetësit e tij nga vendet perëndimore, por çështja do të shtrihet edhe tek sundimtarët arabë. Këta të fundit kanë frikë se fryma e lirisë dhe shpresës që përhapet nga Siria e çliruar dhe Gaza heroike do të pushtojnë edhe vendet e tyre.
Kjo është arsyeja pse sundimtarët arabë mund të jenë të gatshëm që të jenë shërbëtorë të kamufluar të Sionizmit e të marrin pjesë në të gjitha llojet e kurtheve kundër popullit palestinez.
Fjala është për shtete si Egjipti, Jordania, Emiratet e Bashkuara Arabe, Arabia Saudite dhe Bahreini. Këto shtetet, diku haptazi e diku fshehtazi, i erdhën në ndihmë Izraelit gjatë muajve të sulmeve brutale në Gaza.
Ata arrestuan njerëz që thjesht tundnin flamurin palestinez dhe thërrisnin slogane në mbështetje të popullit palestinez, ose arrestuan të gjithë ata që ndihmuan në çfarëdo mënyre popullin palestinez.
Vendeve arabe të listuara duhet t’i shtojmë edhe Autoritetin Palestinez në Bregun Perëndimor, të udhëhequr nga Mahmud Abbas, i cili ishte një instrument i regjimit sionist kundër lëvizjes së rezistencës palestineze gjatë gjithë agresionit ndaj Gazës. Forcat e sigurisë së Abasit u kanë bërë shumë dëm palestinezëve në Bregun Perëndimor.
Izraeli, Amerika dhe vendet e tjera perëndimore kanë tashmë një plan të mirë-zhvilluar për të përdorur liderët arabë dhe Mahmud Abbas kundër popullit palestinez në Gaza dhe, natyrisht, në Bregun Perëndimor.
Pra, ditë sfiduese janë përpara për palestinezët e Gazës. /tesheshi.com/
