Me titullin e mësipërm, Arkivi Shtetëror ofron një të dhënë për malarien e rënë në Shqipëri pikërisht ato vite, të cilat përkuan me pushtimin fashist.
“Sëmundja hiper-endemike e malaries do të përhapej në pjesën më të madhe të territorit duke shkaktuar kolaps për bluzat e bardha. Për shkak të bombardimeve të qyteteve shqiptare, spitalet dhe shërbimi shëndetësor u transferua në zonat periferike për të dhënë ndihmat mjekësore ndaj fëmijëve, që ishin kategoria më e prekur nga sulmi malarial.
U desh një shekull që ndërmarrjet shkencore mjekësore të prodhonin vaksina kundër malaries, por kjo sëmundje ende vazhdon të vrasë mijëra vetë në vit. Fotoja bashkëngjitur tregon hartën e shpërndarjes gjeografike të rasteve me malarie në Shqipërinë e viteve ‘40, hartuar nga Drejtoria e Përgjithshme e Shëndetësisë”, shkruan Arkivi Shtetëror.
Kujtojmë se në rastin e pandemisë COVID, virusi në fjalë u cilësua dhe si “armik i padukshëm” nga i cili u gjunjëzua bota. /tesheshi.com/
