A ju ka ndodhur t’ju bjerë në tokë një frut, një biskotë apo një copë bukë? Vështirë të gjesh një njeri që të mos i ketë rënë dhe të mos ketë bërë pyetjen nëse është e këshillueshme të vijojnë konsumin apo nëse duhet ta hedhin në kosh. Ekziston një rregull universal për të larguar dyshimet tuaja. Gjithçka lidhet me shpejtësinë e veprimeve tuaja.
Këtë pyetje e ka shpjeguar inxhinieri Mike Meacham, i cili ka ilustruar kërkimin gjatë një spektakli të transmetuar në Discovery Channel. Në përgjithësi, koha e lejuar është prej 5 sekondash. Kjo është edhe koha maksimale brenda së cilës ushqimi mund të ngrihet nga toka për të evituar mbledhjen e baktereve.
Mirëpo, një rol të madh ka edhe lloji i ushqimit që jemi duke konsumuar (ushqimet e thata, për shembull, na lejojnë t’i mbledhim edhe disa sekonda më pas) si dhe terreni në të cilin ushqimi ka rënë.
Pra, është e nevojshme që të keni reflekse të shpejta, pasi nëse terreni është i lagësht, koha limit është vetëm 3 sekonda. Nëse e kaloni këtë kohë, rrezikoni të mblidhni deri në 10 herë më shumë baktere. Lagështia tërheq salmonelën, Esheriken Coli si dhe listerinë. /tesheshi.com/
