Tirana bëhet nesër qendra e një samiti ballkanik, ku ministrat e Jashtëm të Europës Juglindore do të mblidhen në kuadër të SEECP, presidencën e së cilës e ka Shqipëria.
Në takim, ku ka konfirmuar pjesëmarrjen e saj edhe Serbia, do të marrë pjesë edhe zv.kryeministri e ministry I Jashtëm I Kosovës, Hashim Thaçi. Nuk dihet ende nëse ky protokoll do të kthehet në “mollën e zakonshme të sherrrit ballkanike”, megjithëse në dy konferenca të fundit në Beograd nuk ka pasur përplasje të tilla. Porn ë një takim që u zhvillua në Tiranë në lidhje me formatin SHBA Karta e Adriatikut, ambasadori I Serbisë në Tiranë, bojkotoi mbledhjen.
Në takim do marrin pjesë përfaqësues të 13 vendeve anëtarë të SEECP, përfaqësues të Bashkimit Europian, të Presidencës Letoneze të BE-së si dhe të Këshillit të Bashkëpunimit Rajonal.
Burimet zyrtare nga Ministria e Jashtme e Shqipërisë pohojnë se në takim do marrin pjesë përfaqësues të 13 vendeve anëtarë të SEECP, përfaqësues të Bashkimit Europian, të Presidencës Letoneze të BE-së dhe të Këshillit të Bashkëpunimit Rajonal (RÇ). Gjithashtu bëhet e ditur se takimi do të përshëndetet dhe nga Kryeministri i Republikës së Shqipërisë, Edi Rama. Gjatë pasdites së ditës së sotme do të ketë një pritje të organizuar nga Ministri i Jashtëm i Shqipërisë, Ditmir Bushati, pritje e cila është informale për t’iu uruar mirëseardhjen delegacioneve.
Vendet anëtarë të Asamblesë së Procesit të Bashkëpunimit të Evropës Juglindore (SEECP) janë Shqipëria, Bosnje dhe Hercegovina, Turqia, Kosova, Maqedonia, Kroacia, Mali i Zi, Serbia, Sllovenia, Bullgaria, Greqia, Moldavia dhe Rumania. Procesi i Bashkëpunimit të Evropës Juglindore (SEECP), është një forum i rëndësishëm politik në Evropën Juglindore, që synon bashkëpunimin në disa fusha si për paqen, sigurinë, stabilitetin, zhvillimin ekonomik, politik e shoqëror të të gjithë vendeve të rajonit.
Fillimet e Procesit te Bashkëpunimit të Evropës Juglindore (SEECP), datojnë në qershor të vitit 1996, me takimin e Ministrave të Punëve të Jashtme të Evropës Juglindore, që u mbajt në Sofje, të Bullgarisë, më synim promovimin dhe forcimin e marrëdhënieve të fqinjësisë së mirë dhe transformimin e rajonit në një zonë të paqes, sigurisë dhe stabilitetit.
Kryesimi i SEECP është njëvjeçar dhe kryesinë e radhës e ushtron Shqipëria, duke filluar nga muaji qershor 2014. Nevoja për forcimin organizativ të SEECP-së, me qëllim ruajtjen e zhvillimin e memories institucionale të saj, ka çuar në krijimin e Këshillit të Bashkëpunimit Rajonal (RÇ), që është krahu operacional i SEECP.
