A do të hiqet ora policore? Vjen shpjegimi nga Manastirliu

Ministrja e Shëndetësisë Ogerta Manstirliu tha në “Kjo Javë” në Neës 24, se është e vërtetë që numri i infektimeve ka rënë, por ama, sipas saj, kujdesi duhet të jetë ende i shtuar pasi virusi ndodhet mes nesh.

“Duhet thënë që jemi në një moment ku kemi numrin më të ulur ndonjëherë të rasteve aktive, gjatë këtyre muajve. Kjo s’do të thotë që ne të çlirohemi njëherë e përgjithmonë. Virusi është ende këtu, duhet të tregojmë kujdes.

Masat, siç janë ora policore, mbyllja e breve, restoranteve dhe klubeve të natës, kjo ka sjellë një ulje të rasteve të infektimeve.

Edhe mbajtja e maskave, mbajtja e distancës, vijojnë të jenë mjetet dhe armët me kosto të ulët që vijojnë të jenë thelbësore për kufizimin e virusit”, arsyetoi ajo.

Por a do të vijojë ora policiore ndërkohë që në praktikë duket sikur është hequr?

“Mund të kemi lehtësim të masave nëse situata vijon e tillë. Por duhet të jemi të kujdesshëm në lirimin e menjëhershëm të masave, sepse sjell rritje të infektimeve.

Po futemi në sezonin turistik dhe Shqipëria nuk ka asnjë kusht për turistët që të futen.

Sot, në krahasim me vendet e tjera, ka tregues epidemiologjik të përmirësuar, por kujdesi duhet të vazhdojë”, shpjegoi ajo, duke theksuar se gjithsesi, vendimi duhet të merret nga Komiteti Teknik. /tesheshi.com/