Kuvendi i Kosovës në seancën e sotme plenare pritet të merr vendim rreth çështjes së dialogut Kosovë-Serbi. Në mesin e 28 pikave të rendit të ditës, është edhe shqyrtimi i Projekt-platformës shtetërore për finalizimin e dialogut e për normalizimin e marrëdhënieve në mes dy vendeve.
Deputetët sot do të marrin vendim se a do t’ia besojnë udhëheqjen e fazës finale të dialogut presidentit Hashim Thaçi apo jo.
Partitë opozitare tashmë janë shprehur kundër vazhdimit të dialogut pa pasur një raport vlerësues në lidhje me rezultatin e deri tanimë të dialogut që po vazhdon tanimë për pothuajse gati një dekadë. Si dhe janë shprehur kundër vazhdimit të përfaqësimit të Kosovën nga presidenti Thaçi.
Por ende nuk dihet qëndrimi final i LDK-së së Isa Mustafës, parti e cila sot do të mblidhet dhe do të vendos nëse deputetët e saj do ta japin apo jo votën pro Thaçit si udhëheqës i bisedimeve.
E ashtuquajtura “garda e vjetër” në krye me në Lutfi Hazirin ka dhënë sinjale se pro Thaçit, kurse “garda e re” në krye me Vjosa Osmanin janë shprehur kundër.
Mbetet të shihet nëse LDK-ja do të japë votën sërish pro Thaçit, njejtë siç bëri kur e votoi për president. /tesheshi.com/
