Kriza aktuale në Lindjen e Mesme mund të prishë furnizimet globale të naftës, si dhe nuk duhet të presim një rritje drastike të çmimeve dhe radhë të gjata në pikat e karburantit, theksuan ekspertët.
Lufta midis Izraelit dhe Hamasit nuk është “padyshim një lajm i mirë” për tregjet e naftës tashmë të goditura nga shkurtimet e prodhimit të Arabisë Saudite dhe Rusisë ndërsa pritet kërkesa më e lartë kineze, tha shefi i Agjencisë Ndërkombëtare të Energjisë (IEA), Fatih Birol.
“Tregjet do të mbeten të paqëndrueshme dhe konflikti mund të rrisë çmimet e naftës, që është padyshim një lajm i keq për inflacionin”, shtoi Birol, duke theksuar se vendet në zhvillim do të jenë më të prekurat nga rritja e çmimeve.
Çmimi i naftës varet nga sa është përdorur dhe sa është në dispozicion. Disponueshmëria është në rrezik për shkak të luftës, megjithëse Gaza nuk është një prodhues i madh.
Një shqetësim tjetër është se konflikti mund të çojë në komplikime me Iranin, i cili ka një nga rezervat më të mëdha të naftës në botë.
“Për një ndryshim të rëndësishëm në çmime, ne do të duhet të shohim me të vërtetë një ndërprerje të furnizimit,” tha Andrew Lipoë i firmës konsulente Lipov Oil Associates.
Vetëm një konflikt i drejtpërdrejtë dhe dëmtimi i infrastrukturës së naftës të Iranit mund të rrisë në mënyrë drastike çmimet globalisht.
“Derisa të ndodhë diçka e tillë, tregu i naftës do të jetë si gjithë të tjerët, duke parë ngjarjet në Lindjen e Mesme”, tha Lipow. /tesheshi.com/
