Një kontigjent futbollistësh nga Serbia mund të zbarkojnë për të zhvilluar një tjetër ndeshje në Shqipëri. Partizani i Beogradit mund të jetë kundërshtari i rradhës i skuadrës korçare Skënderbeu, gjithsesi nëse këto dy skuadra arrijnë të kalojnë në turin tjetër.
Skënderbeu mund të ndjehet me fat pasi mund t`i shmangë skuadrat e mëdha europiane siç janë Manchester United, Lazio, Leverkusen dhe Valencia, pasi rregulla e UEFA-s thotë: “Kampionët mund të përballen vetëm me skuadrat kampione të dala nga kampionatet respektive”. Në këtë rast asnjëra nga këto skuadra nuk ka fituar titullin sezonin e kaluar, kështu që Skënderbeu me sy është nga kundërshtarët e tjerë.
Dhe ja të mundshmit në raundin e 4-t eliminator të Ligës së Kampioneve:
Basel
Plzen
Salzburg
Partizani B.
Selltik
Nëse ndodh pra që Skënderbeut t`i bije me Partizanin e Beogradit, kjo jo vetëm se do jetë një përsëritje e historisë, pas asaj të Flamurtarit me ekipin serb në fund të viteve `80, të cilin e eliminoi me një gol fantastik të Sokol Kushtës në portën e mbrojtur nga Omeroviç, por do jetë dhe një shtim i etheve sportive-nacionaliste, me prirjen për të parë drejt qiellit fluturimin e ndonjë droni. /tesheshi.com/
