Pasi iu refuzuan dy kandidatura të dhëna për kreun e ri të KLSH-së, Vitora Tusha dhe Bahri Shaqiri, presidenti Meta i është shmangur një gjykimi mbi ta, apo dhe mbi mazhorancën që ia rrëzoi.
I pyetur nëse do jetë Anastas Angjeli kreu i Kontrollit të Lartë të Shtetit, Meta pati këtë përgjigje të thatë.
“Unë jam i bindur që të gjitha zgjidhjet dhe propozimet e Presidentit synojnë forcimin e institucioneve të pavarura dhe sundimin e ligjit jo të shumicave”, tha Meta.
Ndërkohë, nëse vërtet mazhoranca do propozonte emrin e Anastas Angjelit, siç dhe përflitet, ky konsiderohet si i afërt me Metën që nga koha kur ish-kreu i LSI ishte figurë qëndrore në PS dhe rivalizonte me Nanon. /tesheshi.com/
