Nga Mensur Krasniqi
Me daljen në skenë të partive të reja shqiptare në Maqedoni si BESA, Uniteti, RDK-ja e reformuar, e aq më shumë Lëvizja për Reforma në PDSH, ku në krye ka ish-deputetin dhe kryetarin e Strugës, Zijadin Sela, analistët shqiptarë vlerësojnë që i ka ardhur fundi Partisë Demokratike Shqiptare dhe kryetarit të saj, Menduh Thaçi. Në zgjedhjet e fundit parlamentare, kur Thaçi ishte i sigurt që do futej në qeveri, pikërisht në këto zgjedhje mezi arriti të grumbullojë vetëm 8 deputetë, dhjetë më pak se “oponenti” i tij, Bashkimi Demokratik për Integrim i Ali Ahmetit. Në këtë formë doli në pah se halli i Thaçit nuk qenka futja direkte e PDSH-së në qeveri, por formimi i grupit parlamentar (më shumë se pesë deputet), dhe të mbetet “opozitë” e vetme shqiptare që nuk e kundërshton dot politikën e pushtetit VMRO-BDI-ste.
Pra kështu është vënë në dukje se kjo ka qenë strategjia e përbashkët e këtyre tre partive politike, ku de jure VMRO-BDI formuan koalicionin bashkëqeverisës, ndërsa de facto pjesë e këtij koalicioni gjatë gjithë këtij mandati ka qenë edhe PDSH-ja e Menduh Thaçit.
Për dallim nga VMRO-BDI, që institucionalisht kanë udhëhequr shtetin, PDSH-ja (Menduhi), lirshëm ka udhëheqë bizneset e tij personale si kundërshpërblim për heshtjen e skandaleve korruptive të VMRO-BDI-së.
Në këtë kontekst është parashtruar pyetja nëse në zgjedhjet e ardhshme parlamentare që me shumë gjasë sipasMarrëveshjes së Përzhinos pritet të mbahen më 24 prill, a do të arrij Menduh Thaçi të formojë grup parlamentar, dhe të faktorizohet si servil i VMRO-BDI-së? Në vazhdim, portali tesheshi.com ka marrë mendimin e disa ish-politikanëvee analistëve .
Artan Dika, ish-zëdhënës i Rilindjes Demokratike Kombëtare:
“Një gjë është e sigurtë: zgjedhjet e ardhshme do të shënojnë fundin e PDSH-së në skenën politike. Edhe situata në terren e edhe anketat e IRI-t, tregojnë qartë se ajo është në shpartallim e sipër. Mashtrimet, bizneset private dhe arroganca, si tipare drejtuese, zbardhja e përgjimeve ku kryetari i PDSH-së pranon se është në shërbim të Mihajlkovit dhe dalja e LR PDSH-së dëshmojnë fundin e liderit të saj. Për ne si opozitë mendoj se është me rëndësi tërheqja e atyre pak votuesve të mbetur të saj që të votojnë opozitën në zgjedhje dhe për këtë qëllim mendoj se mbase duhet analizuar mundësia që në listat e përbashkëta të opozitës t’i ofrohet një vend ndonjë kandidati të kësaj partie, në pozitën e 6 apo 7 në listën për deputetë, vetëm në zonën 6”.
Semi Mehmeti, gazetar, publicist:
“Në këto zgjedhje BDI-ja po shkon sigurt drejt rënies së lirë, pra po shkon drejt humbjes. Për PDSH-në as që bëhet fjalë, ato nuk do të arrijnë të formojnë as grup parlamentar. Kur kemi parasysh se Lëvizjsa BESA sipas gjitha anketave rezulton të ketë ngritje në rejting, sikurse Alenanca për Shqiptarët dhe Unitetit. Shqiptarë e Maqedonisë këtë herë kanë mundësin e zgjedhjes mes: kriminelëve politik, dhe politikanëve të sinqertë”
Vasko Eftov, gazetar dhe analist politik:
“Menduh Thaçi ende është një lojtar i rëndësishëm i Gruevskit dhe Ali Ahmetit dhe lëshohet aq lehtë në ujë. Për Thaçin është e rëndësishme që të jetë i dyti në zgjedhjet dhe të mos i cënohen bizneset që ka. Mendoj që këto dëshira të Menduh Thaçit nuk do të jenë ndonjë peshë e rëndë për Gruevskin dhe Ahmetin.” /tesheshi.com/
