PD ka dhënë sinjalin e parë se mund të shkojë dhe te djegia e mandateve nga ata që drejtojnë në pushtetin lokal, pra kryebashkiakët e saj.
Ka qenë Voltana Ademi e Shkodrës, kryebashkiakja simbol e demokratëve, ajo e cila është në krye të një bastioni si Shkodra e gjithnjë në fërkim me Ramën, e cila tha se dhe ajo mund ta lërë mandatin nëse ia kërkon forca e saj politike.
“Është një proces në diskutim por si anëtare e PD do mbështes çdo vendim. Opozita mori vendimin ekstrem të djegies së mandateve pasi nuk kishte zgjidhje tjetër. Vendimi u mor në një situatë të rëndë ekonomike dhe politike, ndaj njerëzit kanë dalë në shesh.
Kryeministri e njeh Shkodrën mirë ndaj edhe i trembet. Shkodranët janë njerëz të lirë, nuk marrin urdhra nga ne”, tha znj. Ademi në një intervistë për Ora News. /tesheshi.com/
