“Nuk ka kala që nuk marrin komunistët” – është ky një sllogan historik, që një dozë e fortë cinizmi të duhet për ta asociuar me pikësynimin e fortë të mazhorancës aktuale për ta marrë Shkodrën, bastionin ende të parënë të së djathtës në këto 24 vjet.
Në fakt, PD-ja e ka humbur njëherë qytetin verior, në Tetorin e `96-ës kur atë e morri e koalicioni “E djathta e bashkuar” me Bahri Boriçin, por kjo u duk se ishte vetëm një aksident politik.
Por ja që kanë ardhur kohëra të tjera. 4 vjet më parë, PD-ja do humbte Kavajën, një tjetër bastion, një tjetër “kala”e rënë në duar të të majtëve. Dhe tashmë, rradhën duket se e ka Shkodra.
Keti Bazhdari, ajo që mendohet se do futet në histori më këtë sfidë ta jashtëzakonshme, është shprehur e sigurt se kjo do të ndodhë. Ja si është shprehur ajo në një intervistë për revistën Java:
“Nuk e shoh si tabu, unë besoj fort në fitoren e Bashkisë së Shkodrës. Në këto 24 vjet qeverisje të Bashkisë së Shkodrës nga e djathta, qyteti nuk ka marrë pritshmëritë e zhvillimit të tij.
Po forcohen kërkesat gjithnjë e në rritje të një brezi në zhvillim që kërkon diçka tjetër në qeverisjen e pushtetit lokal. Ka të tjera pritshmëri për shërbimet që ofron bashkia, për zhvillimin e turizmit, artit, kulturës, sportit, urbanistikës së qytetit.
E majta do të dalë me një strategji zhvillimi atraktive dhe ambicioze. Janë një grup profesionistësh relativisht të rinj në moshë që kanë hedhur në letër detaje të kësaj strategjie që e majta do të shpalosë.
Komunikimi i të majtës me qytetarin po merr dimensione të reja. Unë mund t`ju them vetëm kaq: Fitorja po përgatitet dhe do të jetë suprizuese. Njerëzi e presin, e shoh në fytyrat e tyre çdo ditë”
Ishin këto thëniet më esenciale të zonjës Bazhdari, që për paradoks, vjen dhe nga shtresa e të përndjekurve politike. Siç mund të nuhatet dhe nga këto deklarime, do jetë pikërisht znj. Bazhdari kandidatja e PS-së për Bashkinë e Shkodrës.
Shkodra është i vetmi qytet ndër të mëdhatë në Shqipëri, i cili ka mbetur vërtet bastion i së djathtës. E majta ka bastione, por jo qytete të mëdha, ku pothuajse të gjitha qytetet e tjera me prirje elektorale të majtë, kan votuar ndër vite dhe të djathtën. Rekordin në këtë pikë e mban Saranda, që ka votuar dy kryebashkiakë të djathtë në vite, ku njeri prej tyre ka qeverisur dhe me dy mandate rresht. /tesheshi.com/
