Kryeministri ende në detyrë i Kosovës Albin Kurti, e ka bërë të qartë dhe njëherë se nuk e njeh vendimin e Gjykatës Kushtetuese, e cila i hap rrugë formimit të një tjetër kabineti me kryeministër Abdullah Hotin nga LDK, dekretuar nga presidenti Thaçi.
“Aktgjykimi i Gjykatës Kushtetuese ka anuluar gjykimin e saj të mëhershëm dhe është në kundërshtim me rastet identike që ne kishim në 2010 dhe 2017 kur kishte mocione të suksesshme të mosbesimit.
Kemi një situatë në të cilën është e vërtetë që Kosova ka një Gjykatë Kushtetuese, por është lënduar pakthyeshëm kushtetutshmëria dhe vetë Kushtetuta. Akti gjykimi i Gjykatës Kushtetuese është shkruar para se të shkruhet dekreti presidencial.
Janë orvatur të gjejnë argumente të paqenë për një dekret presidencial që tenton t’i zërë vendin amendamentit parlamentar të Kushtetutës së Kosovës. Një akt gjykim i tillë është i papranueshëm sepse është në kundërshtim me Kushtetutën”, tha Kurti në “5 Pyetje nga Babaramo” në A1 Report.
Por çdo bëjë Vetëvendosje, a do e dorëzojë qeverinë, ndërkohë që ka dhe ndërkombëtarët kundër?
“Ne kemi një mbledhje të kryesisë nesër dhe këshilltarët do ta trajtojnë akt gjykimin e Gjykatës Kushtetuese. Jemi në fazën kur më e rëndësishme sesa të parashikohet se çfarë do të bëjë Lëvizja Vetëvendosje, duhet të trajtohet Gjykata Kushtetuese dhe gjyqtarët, të cilët treguan se janë epitoma e kapjes së shtetit të Kosovës. Nuk mund të kemi qeveri të re legale në këto kushte kur ubashkuan humbësit dhe duan ta fitojnë në tavolinë dhe nën tavolinë atë që nuk ja dhanë qytetarët vitin e shkuar“, u shpreh Kurti.
Nga ana tjetër, LDK ka bërë me dije se do e enjtja do jetë dita e prezantimit të qeverisë së re në Kuvend, kërkuar me ngulm dhe nga Thaçi. /tesheshi.com/
