Françesko Totti, legjenda romaniste, ka premtuar se do luajë sërish, edhe pse ka prekur të dyzetat e moshës, që normalisht duhet të kishte varur këpucët në gozhdë.
Në një letër të publikuar në rrjetet sociale, ai është shprehur: “Do ta luaj këtë sezon të 25-të me dëshirën e përhershme për të dhënë gjithçka për ekipin e Romës e për të kënaqur tifozët e saj, pasi e meritojnë. Më presin sfida të rëndësishme dhe perspektiva të reja, që unë jam gati t’i përballoj. Dëshiroj që të jetë një sezon special, për mua dhe për gjithë tifozët”, është shprehur ndër të tjera goleadori i Romës, i cili nuk ka lëvizur nga kjo skuadër për asnjë moment, që kur e nisi karrierën.
Ai tashmë ka hyrë në analet e historisë italiane të futbollit si ndër futbollistët më jetëgjatë në fushë, ngjashëm me Maldinin, legjendën e Milanit.
Totti mbush 40 vjeç më 27 shtator.
E veçantë tjetër e tij është se kur realizon gol, e feston duke futur gishtin e madh të dorës në gojë, porsi një fëmijë. /tesheshi.com/
