Krerët e Mbrojtjes shqiptare kanë përkujtuar 93 vjet krijim të Forcës Detare ku në qendër të aktiviteve ka qenë një ekspozitë kushtuar njeriut simbol të kësaj force.
“Në 93-vjetorin e Forcës Detare shqiptare shpreh mirënjohjen dhe uroj gjithë detarët shqiptarë të cilët për gati 1 shekull shërbejnë në det. Respekt të veçantë komandantit më jetëgjatë dhe më të spikatur në historinë e flotës, kundëradmiral Abdi Mati, për të cilin çelëm edhe një ekspozitë me rastin e 100-vjetorit të tij të lindjes”, shkruan ministrja Olta Xhaçka.
Në fjalën e saj, gruaja në krye të Mbrojtjes shqiptare, u shpreh se sot, detarët ushtarakë shqiptarë kanë me se krenohen në misionet e tyre, referuar pjesëmarjes në operacionet e NATO-s “Sea Guardian”.
“Tashmë u mbushën dy vjet që nga fillimi i këtij misioni jo të lehtë dhe prezenca jonë atje është tepër e vlerësuar dhe e kërkuar nga drejtuesit e operacionit. Marinarët tanë janë kthyer në heronj dhe kanë shpëtuar mijëra jetë njerëzish nga mbytja e sigurt në det. Ne jemi të vendosur që të vijojmë edhe vitin që vjen do të jemi sërish prezent në këtë rajon, së bashku me aleatët tanë”, tha Xhaçka. /tesheshi.com/
