Dita e dasmës është një nga ngjarjet më të rëndësishme në jetën e njeriut dhe për këtë arsye çiftet që vendosin të martohen, përpiqen ta bëjnë ditën e dasmës të paharrueshme për vete dhe për të ftuarit. Herë zgjedhin gjëra të padëgjuara më parë, herë udhëtime, aventura e gjithçka që ajo ditë të ngelet në mendjen e çdokujt.
Hilli Fletcher nga Anglia, ka vendosur që të shkojë në dasmën e saj me kamionin e plehrave, duke surprizuar bashkëshortin, pasi ai punonte pikërisht në mjetin me të cilin erdhi ajo. Plani i Hilli Fletcher ka rezultuar shumë i suksesshëm pasi ajo ka arritur të emocionojë shumë Paul-in, burrin e saj, por është bërë edhe shumë e famshme përmes këtij veprimi, i cili është publikuar menjëherë në mediat sociale.
Nusja së bashku me miqtë e saj, e kishin bindur kryetarin e kompanisë që menaxhon mbeturinat në Birmingham, që t’ju huazojë kamionin. Kamioni i rregulluar mori një pamje mahnitëse pas rregullimit dhe dekorimit. /tesheshi.com/
