Kosi, është bërë një ushqim mjaft popullor gjatë viteve të fundit. Kjo në fakt, falë përmbajtjes së lartë të proteinave, rreth 170 gramë kos mund të mbajë rreth 20 gramë proteina.
Por, si mund të përfitojmë nga avantazhet e të mirave të kosit, si në kuzhinë dhe jashtë tij. Nëse nuk jeni adhurues i kosit me granola, ja ku keni disa ide krijuese:
- Zbusni lëkurën tuaj
Kosi është një ushqyes i shkëlqyer për lëkurën tuaj. Mund të blini një sërë produktesh bukurie me kos ose mund të bëni maskën tuaj ushqyese duke kombinuar kosin me pak mjaltë. Lëreni maskën në fytyrë për 15 minuta para se ta shpërlani me ujë të ngrohtë dhe ta pastroni siç duhet.
- Zbusni flokët tuaj
Yndyra që gjendet në kos e bën atë një zbutës të shkëlqyer. Bëjuni flokëve një trajtim duke aplikuar kosin direkt mbi to. Mbulojeni kokën me një peshqir dhe mbajeni kosin në flokë për 30 minuta. Më pas lajini si përherë.
- Luftoni aknet
Studimet e para sugjerojnë që kur aplikohet shpesh, probiotikët që gjenden tek kosi mund të ndihmojnë në shërimin e akneve dhe mund të krijojë barriera që parandalojnë bakteret të krijojnë akne të reja.
- Bëni djathë
Vini 3-4 shtresa napa në fund të një kullese dhe këtë të fundit vendoseni në një tas të madh. Hidhni kosin dhe mund të shtoni kripë, erëza, barishte dhe futeni në frigorifer gjatë gjithë natës. Në mëngjes do të keni një djathë të butë me të cilin mund të lyeni çfarë të dëshironi. /tesheshi.com/
