Koalicioni që udhëheq SHBA-ja kundër grupit militant Shteti Islamik ka rinisur sulmet ajrore nga Turqia.
Ato ishin pezulluar përkohësisht, për shkak të përpjekjes së dështuar për grusht shteti në Turqi, më 15 korrik.
Zëdhënësi i Pentagonit, Peter Cook, tha se autoritetet turke kanë ripahur hapësirën ajrore për avionët ushtarakë të dielën.
“Për rrjedhojë, operacionet kundër Shtetit Islamik kanë rinisur”, tha Cook. Turqia, një aleat i madh i Uashingtonit në rajon, ka lejuar SHBA-në të përdorë bazën e saj ajrore Incirlik në qytetin Adana, për të kryer sulmet kundër Shtetit Islamik. /tesheshi.com/
