Bojkoti që iu bë fjalimit të presidentit Thaçi nga opozita në seancën solemne për 9-vjetorin e Pavarësisë, nuk ka qenë asgjë në raport me faktin se figura legjendare e Adem Jasharit dhe heronjve të tjerë të Kosovës, përfshirë dhe ish-presidentin Rugova, u bën bashkë me Rita Orën, Dua Lipan e Majlinda Klemendin, gjithsesi kjo e fundit më e gëlltitshme – së paku për këtë rast – krahasuar me dy të tjerat e ardhur nga bota e show-it.
Ishte pikërisht Thaçi ai që në fjalimin e tij përmendi yjet muzikore si Rita Ora e Dua Lipa, që sipas tij i kanë dhënë një imazhi Kosovës. Por ai nuk përmendi komandantin legjendar, Adem Jashari – siç duket i kompleksuar në këto kohë tensionesh me Prishtinës dhe Beogradit, duke u mjaftuar me një fjali të tipit: “sot jemi më afër se çdo ditë tjetër me heronjtë tanë, me dëshmorët tanë, me familjet e dëshmorëve, me familjet e të pagjeturve”. Ndërsa kryeministri Mustafa nuk zgjodhi showbiz-in si kolegu i tij shtetar.
“Në këtë përvjetor u jemi mirënjohës të gjithë atyre që dhanë jetën që Kosova të frymojë e lirë sovrane dhe e pavarur. Ky kontribut ndër shekuj kulmoi në vitet e 90-të me presidentin historik, Ibrahim Rugova që e bëri realitet aspiratën për liri dhe vazhdoi me UÇK-në dhe komandantin Adem Jashari”. Dhe kështu e bëri sa mundi detyrën. Ama bacën Adem nuk e përmendi as kryeparlamentari Veseli, që nga ana e tij zgjodhi – por pasi përmendi kontributin e veprimtarëve e intelektualëv si Isa Boletini, Hasan Prishtina e Shaban Polluzha, si dhe UÇK-në – të thoshte dy fjalë falenderimi për xhudisten Majlina Kelmendi, që siç tha, ka lartësuar lamurin e Kosovës.
Blendi Gashi – /tesheshi.com/
