Thomas “Tommy” Mair, 52-vjeçari që vrau deputeten laburise Jo Cox është paraqitur sot përpara trupës gjykuese londineze për të dëgjuar akuzën që rëndon ndaj tij: vrasje, armëmbajtje pa leje, tentativë për vrasje dhe ofendim. Momentalisht, ndër akuzat për krimet e kryera nuk figuron ai për terrorizëm.
Kur gjykatësi e pyeti për emrin, burri u përgjigj: “Emri im është vdekje tradhëtarëve, Britania e Madhe e lirë”. Kërkesa u përsërit ndërsa Maith tha sërish me qetësinë më të madhe: “Death to traitors, freedom for Britain”, duke refuzuar kështu të thoshte emrin e tij të vërtetë, adresën ku banonte dhe vendin e datën e lindjes.
Në atë moment zëvendës presidentja e trupit gjykues Emma Arbuthnot, duke parë që emri i të dënuarit nuk u tha në sallë, ajo u shpreh se është e nevojshme që Mair të ekzaminohej nga një psikiatër. /tesheshi.com/
