Prokuroria e shtetit ka angazhuar 86 prokurorë që do të vëzhgojnë zgjedhjet lokale të 22 tetorit. Kështu ka bërë të ditur Sevdije Morina, zv.kryeprokurore e Shtetit.
Edhe Naim Rexha zv. drejtor i policisë thotë se i kanë marrë të gjitha masat për të ofruar siguri maksimale.
Rexha tha se në komunat veriore do ketë ekipe të shtuara të policisë.
Zgjedhjet do të vëzhgohen nga rreth 33 mijë e 200 vëzhgues, të cilët përfaqësojnë subjektet politike të certifikuara, OJQ-të vendore, organizatat ndërkombëtare, ambasada, media vendore dhe ndërkombëtare.
Kryetarja e Komisionit Qendror Zgjedhor (KQZ), Valdete Daka, tha se në këto zgjedhjet OSBE do të ketë rol teknik vetëm në veri të vendit.
Ajo më tej ka sqaruar se kanë pranuar 10 mijë e 475 aplikacione janë regjistruar si votues jashtë Kosovës, derisa janë të regjistruar 1 milion e 890 mijë e 952 qytetarë me të drejtë vote, prej tyre 18 mijë e 11 janë votues të rinj.
Për këto zgjedhje janë certifikuar 91 subjekte politike, nga të cilat 35 parti politike, një koalicion, 30 iniciativa qytetare dhe 25 kandidatë të pavarur dhe 7080 kandidat për asamble. /tesheshi.com/
