Aktorja Elena Zaharova ka vendosur që të shkruajë 86 poezi në 86 gjethe peme dhe t’i shpërndajë ato në 5 parqe të ndryshme në Nju Jork: në Manhattan, Washington Square, Union Square, Madison Square, Bryant Park dhe në Tompkins Square. Ajo është kujdesur që gjethet të gjenden lehtësisht nga kalimtarët dhe që të bien në dorë të sa më shumë lexuesve.
“Gjatë javës që kaloi kam qenë shumë e stresuar, e lodhur dhe e rraskapitur si kushdo tjetër. Pak nga depresioni i stinës e pak nga kjo atmosfera post-zgjedhje e përzier me ankthin për të marrë disa vendime të rëndësishme në jetën time.Kështu vendosa të ndaja me të tjerët disa poezi shumë të dashura për mua me shkrim dore tek gjethet e rëna. Ndoshta gjethet nuk janë vënë re nga njerëzit, ndoshta era e i ka përzier me të tjerat por shpresoj që nëse i ka rënë në dorë dikujt ta ketë lexuar dhe t’i kem dhuruar ndonjë buzëqeshje. Të gjithë kemi nevojë për një shtysë për të medituar dhe për të zgjidhur problemet me ndjenjat tona sidomos kur nuk kemi mundësinë të përballojmë një terapist”, tha Zaharova. /tesheshi.com/
