Min Bahadur Sherchan është 85-vjeç sot, por asgjë nuk e ndal nga synimi i tij për t’u ngjitur edhe një herë në majën më të lartë në botë, në atë të Everestit.
Kjo nuk do të ishte hera e parë për të, ndërsa ai kërkon ta ketë përsëri të tijin rekordin e ngjitës më në moshë në Everest.
Ai bëri një ngjitje të tillë në maj të 2008-s, kur ishte 76 vjeç; një rekord i thyer më tej nga japonezi 80-vjeçar Yuichiro Miura katër vite më parë, në 2013-n.
85-vjeçari nga Nepali ka në plan ta ngjisë muajin e ardhshëm, kur dhe koha është më e përshtatshme, lartësinë 8.850 metra. Një përpjekje e ripërsëritur pas dy të dështuarave më herët për shkak të problemeve financiare, vonesave në marrjen e lejes së ngjitjes, si dhe të një orteku dy vite të shkuara.
“Jam besimplotë se do t’ia dal këtë herë. Nuk kam probleme që mund të më ndalojnë të ngjitem në Everest. I vetmi problem mund të jetë koha,” shprehet njeriu i lindur mes malesh.
“Dua të jem përsëri njeriu më në moshë që ngjitet në Everest, për të qenë frymëzim për njerëzinë, një shtytje për të moshuarit, e inkurajim për të rinjtë.” /tesheshi.com/
