Në Klinikën e Onkologjisë në Qendër Klinike Universitare të Kosovës (QKUK), në vitin 2015 ka pasur gjithsej 808 raste të reja me sëmundje malinje, numër ky afërsisht i njëjtë me vitet e kaluar, me një rritje të lehtë, për shkak të vetëdijësimit dhe raportimit të rasteve, siç thuhet në një komunkatë të QKUK-së.
Thuhet aty se nga rastet e përgjithshme, 204 raste ishin me sëmundje malinje të gjirit, 152 mushkërive; 155 traktit gastrointestinal;166 urogjenital dhe gjinekologjike; 131 kokë-qafë, indet e buta, sistemi nervor qendror dhe të tjera.
Kurse sa i përket shërbimit të kimioterapisë, janë trajtuar 120-210 pacientë në ditë, asnjë pacient i udhëzuar jashtë vendit për trajtim me kimioterapi .
Ndërsa sa i përket furnizimi me citostatikë, 85-92% të nevojave për citostatikë nga lista esenciale kanë qenë të mbuluara, sqarohet në komunikatë. /tesheshi.com/
