Të gjithë duam të kemi flokë të gjata, të shëndetshme dhe që të rriten shpejtë, por jo të gjithë i kemi mundësitë për të pasur atë që duam. Ndonjëherë nuk dimë si ti realizojmë dëshirat tona, por nëse jeni në kërkim të mënyrave se si flokët të kalojnë gjatësinë mesatare e të derdhen deri në belin tuaj provoni këto mënyra natyrale dhe do të habiteni se sa shpejt do të rriten flokët tuaj.
- Mos i shtrëngoni flokët tuaja me peshqir pas dushit. Duke i rrotulluar flokët së bashku me peshqirin ju mund të këpusni flokët e reja dhe fijet e holla që sapo kanë dalë.
- Bëjini masazh skalpit ndërkohë që lani kokën. Kjo ndihmon në qarkullimin e gjakut në rrënjët e flokëve tuaja.
- Ndryshoni modelet e flokëve. Duke i mbajtur për muaj me radhë vetëm një model për shembull me një vijë në mes, kjo ndikon negativisht në flokun tuaj. Mund t’i kapni bisht, ti lëshoni, t’i kaloni anash.
- Prijini flokët tuaj rregullisht. Nuk rriten flokët në mënyrë të shëndetshme nëse ju rrini një vit pa i prerë ato. Një herë në 4 muaj do të ishte e rekomandueshme.
- Pasi keni mbaruar dushin shpëlajini flokët tuaja me ujë të ftohtë. 6. Krihini flokët që nga rrënjët dhe jo vetëm majat.
- Përdorni një maskë një herë në javë për flokët.
- Hani ushqime të shëndetshme që ndikojnë në rritjen e flokëve. Përfshini në dietën tuaj me përmbajtje të lartë zinku, hekur dhe vitamina A, B, C dhe E. Qumësht, djathë, vezë, mish pule, drithërat, salmon, avokado, spinaq, brokoli dhe lakër./tesheshi.com/
